पंजाब के मुख्यमंत्री कैप्टन अमरिंदर सिंह नवजोत सिंह सिद्धू के मंत्री पद बदल दिहले बाने | सिद्धू के ऊर्जा मंत्रालय दिहल गईल बा | पहिले उ पंजाब के शहरी विकास मंत्री रहले | मिलल जानकारी के अनुसार कैप्टन अमरिंदर सिंह सिद्धू से शहरी विकास मंत्रालय छीन के पर्यटन मंत्रालय दे सकेले लेकिन अब उनके पास ऊर्जा मंत्रालय के जिम्मा रही | कैप्टन अउर सिद्धू के बीच आपसी मतभेद के खबरें बाने | दुनो लोगन के बीच लोकसभा चुनाव के बाद अउर ज्यादा बढ़ गईल | पंजाब में कांग्रेस सिर्फ 8 सीटें जीतल रहल , लेकिन कैप्टन के आरोप रहल कि सिद्धू के बयान के कारण पार्टी के कई सीट घट गईंल .