पश्चिम बंगाल के मुख्यमंत्री ममता बनर्जी अउर भाजपा के बीच विवाद ख़त्म भईला के नाम नईखे लेत बा | लोकसभा चुनाव के बाद भी विवाद जारी बा । एक मामला उत्तर 24 परगना के नैहाटी में सामने आयिल बा । जेमे ममता 30 मई के आपन पार्टी कार्यालय पर कब्जा के आरोप लगाईला के बाद भाजपा के कमल निशान के मिटाके आपन तृणमूल पार्टी के चिह्न बना लेहिली । इ पर केंद्रीय मंत्री बाबुल सुप्रियो कहले कि दीदी के गेट वेल सून कार्ड जल्द ही भेजल जाई ।
सोमवार के आसनसोल से भाजपा सांसद सुप्रियो कहले कि ममता एक अनुभवी नेता हईन , लेकिन कुछ समय से उनके बर्ताव बदल गइल बा । उनके अपना पद के गरिमा के अनुरूप दिमाग के स्थिर राखेके चाही । उ बंगाल में भाजपा के मौजूदगी से बौखला गईल बाड़ी।उनके आराम के जरुरत बा | हम आसनसोल लोकसभा क्षेत्र के ओर से दीदी के गेट वेल सून कार्ड भेजब।