मध्य प्रदेश के भोपाल से भारतीय जनता पार्टी के सांसद साध्वी प्रज्ञा सिंह ठाकुर शुरुआत से ही अपने बेबोल बयान के कारण चर्चा में रहेली | जेकरा वजह से कई बार पार्टी के फजीहत भईल बा| अब एक बार फिर पार्टी के केंद्रीय नेतृत्व साध्वी प्रज्ञा के नसीहत दिहले बा अउर कहले बा कि कउनो तरह के विवादित बयान ना दें | पार्टी के तरफ से इ कदम तब उठावल गईल बा जब साध्वी प्रज्ञा बीजेपी नेता लोगिन के निधन के विपक्ष के मारक शक्ति से जोड़ के बयान दिहली |
हाल के दिनन में भारतीय जनता पार्टी आपन तीन बड़े नेता के गवौले बा | एमे पूर्व वित्त मंत्री अरुण जेटली, पूर्व विदेश मंत्री सुषमा स्वराज, मध्य प्रदेश के पूर्व मुख्यमंत्री बाबूलाल गौर शामिल बाने | एही के लेके साध्वी प्रज्ञा कहली कि विपक्ष के नेता भाजपा वालन पर ‘मारक शक्ति’ के इस्तेमाल कर रहल बाने , जेकरा वजह से बीजेपी के नेता दुनिया छोड़कर जा रहल बाने | एह बयान पर कांग्रेस BJP के घेर लिहले |
