न्यूज़ डेस्क: नई दिल्ली
लोजपा राष्ट्रीय अध्यक्ष चिराग पासवान दिल्ली में शनिवार के शाम पांच बजे पार्टी संसदीय बोर्ड के बैठक बुलइले बाने । विधानसभा के चुनाव एनडीए के तहत लोजपा लड़ी या 143 सीटन पर आपन उम्मीदवार उतारी , एके लेकर उ शनिवार के फैसला लिहें ।
लोजपा प्रवक्ता अशरफ अंसारी कहने कि चुनाव के पहले पार्टी के इ आखिरी बैठक होई । बैठक में पार्टी के सभी सांसद, वरिष्ट पदाधिकारी व विधायक रहिहें । बैठक में 143 प्रत्याशियन पर भी चर्चा होई ।
सूत्रन से पता चलल बा कि पार्टी एनडीए से गठबंधन के तहत जउन सीट मिलत बा ओसे सहमत नाही बिया । इहे कारन बा कि 143 सीटन पर उम्मीदवारन के उतारे के तैयारी पार्टी करत बिया । उहें दूसरी ओर लोजपा से टिकट चाहे वाला दावेदारन के सांसें अटकल बा । उनकर एक-एक दिन बेचैनी में बीतत बा । बिहार विधानसभा चुनाव खातिर प्रत्याशियन के नामांकन भी शुरू हो गइल बा । पर, आलम इ बा कि एनडीए के हिस्सा लोजपा रही की नहीं इ अभी तय नाही बा ।