कांग्रेस अध्यक्ष पद से राहुल गांधी के इस्तीफे के बाद पार्टी के अंदर खलबली के माहौल बन गईल बा | कांग्रेस के कार्यकर्ता चाहत बाने कि राहुल गांधी के इस्तीफा के बाद खाली पड़ल एह पद के खातिर प्रियंका गांधी के अध्यक्ष बनावल जा | उहे एह पद के खातिर उपयुक्त बानी | पार्टी के वरिष्ठ नेता अउर पूर्व विदेश मंत्री नटवर सिंह प्रिंयका गांधी के अध्यक्ष बनवले के बात पर आपन खुले रूप से सहमति जतवले बाने | नटवर सिंह कहले कि प्रियंका गांधी उत्तर प्रदेश के सोनभद्र जिला में भईल जमीनी विवाद में मारल गयिल लोगन से मिले के खातिर गइलीं | उनकर इ सोच अउर उठावल इ कदम कबीले तारीफ बाने | नटवर सिंह कहले , ”सोनभद्र में 10 लोगन के मार गईला के बाद उ पीड़ित परिजन के पास पहुंचलीं | उनकर यह चौंकावे वाला कदम हवे | उ वहां पहुंचली अउर जउन चाहत रहली ओके हासिल भी कईली |”
प्रिंयका गांधी के बने के चाही कांग्रेस अध्यक्ष – नटवर सिंह
