पाकिस्तान के एक बार फिर बड़ा झटका लागल बा | कश्मीर मुद्दा पर भारत के फैसला के लेके रूस के विदेश मंत्रालय कहलस कि भारत आपन संविधान के मुताबिक फैसला लिहले बा जउन कि जायज बा |रूसी विदेश मंत्रालय शुक्रवार के एक सवाल के जवाब में कहलस कि , ‘‘मॉस्को के उम्मीद बा कि दिल्ली जम्मू-कश्मीर के स्थिति में बदलाव कइला के मद्देनजर भारत अउर पाकिस्तान क्षेत्र में स्थिति बिगड़े ना दी |’’
यह भी पढ़े- योगी जी अपने मंत्री लोगन पर दिखा रहल हवे सख्त तेवर
मंत्रालय कहलस कि , ‘‘हम यह तथ्य के ध्यान में रख के आगे बढ़ रहल बानी कि जम्मू-कश्मीर के स्थिति में बदलाव अउर ओके बांट के दो केंद्र शासित प्रदेश बनौले के फैसला भारतीय गणराज्य के संविधान के दायरे में बा |’’
मंत्रालय कहलस कि , ‘‘हम उम्मीद करत बानी कि दुनु देश मतभेद के राजनीतिक अउर राजनायिक तरीका से शिमला समझौता-1972 एवं लाहौर घोषणा पत्र-1999 के प्रावधान के तहत द्विपक्षीय आधार पर सुलझइहे | ’’
