न्यूज़ डेस्क : नई दिल्ली
देश में कोरोना वायरस महामारी के रूप ले चुकल बा . कोरोना पीड़ितन के संख्या तेजी से बढ़ल जात बा . सरकार में लगातार बैठकन के दौर चलत बा . सरकार एक्टिव मोड में बिया . देश में अबही 21 दिन के लिए लॉकडाउन चालत बा जे कि 14 अप्रैल के ख़तम हो जाई .
केंद्र सरकार और स्वास्थय मंत्रालय लॉकडाउन के 14 अप्रैल से आगे बढावल जा कि ना ए पे विचार करत बा . प्रधानमंत्री नरेंद्र मोदी सब राज्यन के मुख्यमंत्रियन के साथ 11 अप्रैल के वीडियो कॉन्फ्रेंसिंग कर के चर्चा कइने , जेमे लॉकडाउन के बढ़ावे के लेकर भी बात भइल . लगभग 10 राज्यन के मांग बा कि लॉकडाउन बढ़ावल जा . हालांकि, केंद्र सरकार अबहीं कउनो सरकारी ऐलान नाही कइले बिया , लेकिन राज्यों अपना से लॉकडाउन के बढ़ावत बाने .
ओडिशा , पंजाब, महाराष्ट्र और पश्चिम बंगाल , उत्तराखंड , तेलंगाना की राज्य सरकार आपन आपन राज्य में लॉकडाउन की अवधि 30 अप्रैल तक बढ़ावे के ऐलान कर दिहले बाने .
देश के अब प्रधानमंत्री जी के द्वारा देश के संबोधन के इन्तेजार बा .