न्यूज़ डेस्क : नई दिल्ली
स्वास्थ्य मंत्रालय के अनुसार भारत में कोरोना वायरस से 19 लोगन के मौत हो गइल बा । उहें अबे तक 834 मामला सामने आइल बाने । एमे से 748 लोगन के इलाज चलत बा । 66 लोग ठीक हो गइल बाने ।
उहें स्वास्थ्य मंत्रालय के अनुसार शनिवार सुबह तक भारत में कुल 834 लोग कोरोना से संक्रमित रहने । देश में सबसे ज्यादा मामला महाराष्ट्र में आइल बा । उहाँ मरीजन के संख्या 180 हो गइल बा । 25 लोग ठीक हो गइल बाने। 5 लोगन की मौत हो गइल ।
देश में जे हिसाब से कोरोना संक्रमित मरीजन के संख्या बढ़त बा , ओसे लागत बा कि कहीं न कहीं विदेश से आवे वाला लोगन के जांच में भारी लापरवाही भइल बा । कैबिनेट सेक्रेटरी राजीव गौबा भी इ मनने कि पिछले दो महीना में विदेश से आइल लोगन की संख्या और कोरोना के जांच की संख्या में अंतर बा ।
दो महीना में 15 लाख लोग विदेश से भारत आइल बाने । सब लोगन के कोरोना वायरस जांच ना भइल । कैबिनेट सेक्रेटरी राजीव गौबा सब राज्यन के सचिवन के चिट्ठी लिखी कर विदेश से आइल लोगन के एक बार फिर से जांच करावे के निर्देश दिहले बाने ।
दिल्ली से सटल नोएडा यूपी में कोरोना के सबसे बड़ा केंद्र बनत जात बा ।नोएडा की ऊंची-ऊंची बिल्डिंगन में रहे वाला लोगन में कौन कोरोना से पीड़ित बा केहू के नइखे मालूम । जैसे -जैसे कोरोना से जुड़ल मामला सामने आवत बा लोगन में डर भी बढ़ल जात बा।
News source:www.mohfw.gov.in