न्यूज़ डेस्क : नई दिल्ली
संघ लोक सेवा आयोग, सिविल सर्विस परीक्षा-2019 के रिजल्ट आज सुबह जारी कर दिहलस . महिलाओं में पहिला स्थान प्रतिभा वर्मा ने हासिल कइले बानी जबकि उ परीक्षा में कुल तीसरे नंबर पर रहली , प्रदीप सिंह परीक्षा में ऑल इंडिया टॉपर बनल बाने .
संघ लोक सेवा आयोग की ओर से जारी सूचना के मुताबिक ए बार कुल 829 उम्मीदवार परीक्षा पास करे में कामयाब रहेलें . इनमें सामान्य श्रेणी के 304, पिछड़े वर्ग के 251, अनुसूचित जाति के 129, अनुसूचित जनजाति के 67 और आर्थिक रूप से पिछड़ों के 78 उम्मीदवार शामिल बाने . सब सफल उम्मीदवारन के उनके रैंक और पसंद के हिसाब से सेवा अलॉट कर दिहल गइल बा . IAS सेवा में 180 उम्मीदवारन के भेजल गइल बा . विदेश सेवा खातिर 24 अभ्यर्थियन के चयन भइल बा . IPS खातिर 150 उम्मीदवार चुनल गइल बाने . केंद्रीय सेवा ग्रुप ए खातिर 438 और ग्रुप बी खातिर 135 उम्मीदवारन के चयन भइल बा .
सोनीपत के प्रदीप सिंह जे की इ बार टॉप कइले बाने पिछली बार साल 2018 में भी सिविल सेवा परीक्षा दिहले रहने । तब उनकर 260वीं रैंक मिलल रहल । ओ समय उ आईआरएस खातिर चुनल गइल रहने । उनकर पहली पोस्टिंग दिल्ली में इनकम टैक्स इंस्पेक्टर के पद पर भइल रहल । 2019 में उ दोबारा परीक्षा दिहने और पूरे देश में पहला स्थान हासिल कइले ।
इ परीक्षा में प्रदीप सिंह पहिले, जतिन किशोर दूसरे, प्रतिभा वर्मा तीसरे, हिमांशु जैन चौथे और जयदेव सीएस पांचवे स्थान पर रहलें . यूपीएससी के पूरा रिजल्ट और टॉपर लिस्ट दिहल लिंक पर क्लिक करके देखल जा सकेला .